--Ads--
Pinasingkedan ti mangidaulo ti Philippine Institute of Volcanology and Seismology a natalged ti agturong idiay Tagaytay nupay napasamak ti phreatomagmatic eruption iti Bulkang Taal.
Segun ti Phivolcs, ti panagbettak iti Bulkang Taal idi Sabado ket nagpaut iti uppat a minutos ken gappuanan ti nangisit nga asok a sinaruno ti steam-rich plume nga immabot ti 2,000 meters iti main crater.
Segun ken ni Phivolcs Director Teresito Bacolcol, natalged iti agturong idiay Tagaytay ngem masapul laeng nga itugot ti face mask tapno saan nga agpeggad ti salun-atda nu bilang bumtak manen wenno adda ashfall wenno sulfur dioxide emission.
Awan ti volcanic earthquake a nairekord iti bulkan iti nagpatnag ngem adda ashfall a naireport idiay Agoncillo, Batangas.
-- ADVERTISEMENT --
