Pinaingetan ti Vatican ti seguridad, mano nga oras sakbay iti pannakaitabon ni Pope Francis.
Naisardeng ti public viewing idi alas syete idi rabii idiay Vatican ket indauluan ni Cardinal Carmelengo Kevin Farrell ti seremonya iti Sealing of the Coffin.
Saanen nga imbaga pay ti Vatican nu mano nga opisyal iti agduduma a pagilian iti makitabon ngem dagiti karaman a dumar-ay ket da US President Donald Trump, President Ferdinand Marcos Jr. ken First Lady Liza Marcos.
Malaksid iti agdama ket kinuna pay ni dati a US President Joe Biden a dumar-ay para iti pannakaitabon ti Santo Papa.
Maibasar iti pannakasimpa iti tugaw ti funeral mass iti alas dies ti bigat idiay Vatican ket sango ti pagtugawan ti presidente ti Argentina, pagilian a nakaiyanakan ti Santo Papa, sumaruno iti Italy ken miembro ti royal households ken dagiti presidente a nakasimpa babaen ti French alphabetical order.
