Saan nga impakaammo a dagus ni dati nga Ateneo Blue Eagles head coach Tab Baldwin iti management ti Ateneo de Manila University ti pannakalmes dagiti 2 a player iti maysa a team-building activity idiay Dipaculao, Aurora.
Segun ken ni Interior Secretary Jonvic Remulla, naammuan laengen da Ateneo President Fr. Roberto Yap ken athletics department head Em Fernandez ti pannakalmes da Rene Baterbonia ken Divine Adili maysa agingga dua oras kalpasan ti trahedya.
Ni pay laeng dati a team manager Christopher ‘Epok’ Quimbo ti nangipakaammo kadagiti Ateneo official iti napasamak.
Impaganetget ni Remullaa ti pasamak ket pakakitaan iti kultura ti basketball program iti salinong ni Baldwin ta saan a naipakaammo iti athletics department dagiti aktibidad ti team.
Iti imbestigasion ti Criminal Investigation and Detection Group, agbabbabawi ni Baldwin ket makasangit pay idi saludsoden dagiti imbestigador.
