--Ads--
Natay ti maysa a lalaki nga agtawen iti sangapulo ket uppat idiay Austria ta binagkong ti agtawen-iti-duapulo ket tallo a Syrian asylum seeker a ni Ahmad G.
Nagaramat ti suspek iti dakkel a kutsilyo iti pammagkong a puon ti nakatayan ti biktima ken nakadunoran ti lima pay a sabali.
Simmardeng met ti rampage idi dinungpar ti food delivery driver ti suspek a ni Alaaeddin Alhalabi, agtawen iti uppat a pulo ket dua, maysa a Syrian.
Agtultuloy ti imbestigasyon dagiti pannakagi ti linteg tapno maduktalan no adda pay kakunsabus ni Ahmad ken no adda pakainaiganna iti panagatake iti ania man nga Islamist activity.
-- ADVERTISEMENT --
