55 percent wenno nasurok gudwa kadagiti pamilia a Pilipino ti mangibilang iti bagida a marigrigat, maibasar iti resulta ti survey ti Stratbase and Social Weather Stations para iti first quarter ti 2025.
Ipakita ti Stratbase-SWS survey a naisayangkat manipud Abril 11-15 a 12 percent kadagiti pamilia a Pilipino ti mangibilang iti bagida iti borderline, idinto a 32 percent ti nangibaga a saanda a marigrigat.
Iti resulta manipud December 2024, 63 percent kadagiti Pilipino ti nangibilang iti bagida a marigrigat, 11 percent ti borderline, ken 26 percent ti saan a marigrigat.
Innayon ti SWS a ti 3-point increase iti nationwide Self-Rated Poverty manipud Marso 2024 ken April 2025 ket gapu iti panagpangato idiay Mindanao, Visayas, ken Metro Manila a mabuyogan iti bassit a panagbaba iti Balance Luzon.
