VIGAN CITY – Maragsakan unay ni Samahang Weightlifting ng Pilipinas President Monico Puentevella iti panangabak ni Hidilyn Diaz ti tallo a balitok a medalya iti weighlifting competition iti World Cup idiay Rome, Italy.
Segun kenni Puentevella, malaksid ken ni Diaz, nakaala pay iti balitok a medalya dagiti kakadua na ket dimmakkel iti tsansa da a makastrek ti 2020 Tokyo Olympics.
Inlawlawag ti dati a Bacolod City mayor nga innem iti masapul a saliyan ti grupo da Diaz tapnu makastrek da iti olympiada ket adda pay ti maysa a pasalip a saliyan da para iti championship inton Abril idiay Kazakhstan.
Innayon na a saan laeng a masapul a balitok a medalya iti maala da iti championship no diketdi uray ania a medal ken mapagballigian da ti innem nga ay-ayam a pakisalipan da ket dagiti kalaingan nga uppat ket isu iti makastrek iti olympiada.
