VIGAN CITY – Maysa nga SUV ti insuko ni Rolando Angala, agtawen iti tallopulo ket pito, mangngalap nga agnaed iti Barangay Pilar, Sta. Cruz.
Personal a nagturong ni Angala iti Sta. Cruz Police Station a boluntaryo a nangisuko iti maysa a Ford Ecosport 1.5L Trend SUV a nainagan ken kukua ni Monaliza Fernandez Raymundo iti Barangay Poblacion, Lingayen, Pangasinan.
Maibasar iti imbestigasyon, gimmatang ni Angala iti Toyota Rush idi Agosto 2020 ken ni Mark Anthony Lavya a taga-Barangay Bacsayan, Sta. Cruz iti gatad a PHP350K idin ta simukatan ni Lavya ti nasao a unit iti Ford Ecosport idi July 2021.
Idi nakompletona dagiti papeles ti Toyota Rush ken idi napan a bulan, agtultuloy latta ti panangdamag ni Angala ken ni Lavya dagiti orihinal a papeles ti Fort Ecosport ngem saanna a naited isu a napan iti Sta. Cruz Police Station tapno iberipika.
Nupay kasta, kinumpirmaran met ti Lingayen Police Station babaen ti pannakikinnammayet ti Sta. Cruz Police Station a ti nasao a lugan ket mapukpukaw idi February 24, 2021.
