Nayatiddog ti suspension iti klase iti amin a lebel iti pampubliko ken pribado a pagadalan ken trabaho iti pampubliko nga opisina iti probinsia ita nga aldaw, October 24, 2024 gapu ti Severe Tropical Storm Kristine.
Ti addang ket kas maibasar iti Executive Order No. 29 Series of 2024 nga inruar ti Provincial Government of Ilocos Sur babaen ken ni Governor Jeremias Jerry Singson.
Nabilin amin a local government units nga ipatungpal ti critical preparedness actions ken response protocols gapu iti manamnama nga epekto ti Severe Tropical Storm Kristine.
Nupay kasta amin a government agencies ken departments a nainaig iti delivery iti basic ken health services, calamity response ken preparenedd measures ken performance iti dadduma a napateg a serbisyo publiko ket agtultuloy iti panag-operateda.
Iti biang ti pribado a business establishments ken offices ket nakadepende ti suspension kadagiti mangidauloda.
