VIGAN CITY – Boluntaryo a simmuko ti suspek a nangpapatay ti menor de edad a ni Juliana Faith Aleluia nga agnaed idiay Brgy. San Pedro Sta. Lucia.
Ti suspek ket nabigbig a ni Niño Valdez, agtawen ti duapulo, dati a kainayan-ayat ti biktima ken agindeg idiay Brgy. Conconig East, Sta. Lucia.
Iti pannaki-uman ti Bombo Radyo Vigan kenni PLt. Juan Jhayr Maggay ti PNP Sta.Lucia, sinapulda iti ainkukua ti kwentas a natnag iti nakapasmakan ti krimen agingga natuntonda iti makinkukua ket inaminna kadagiti otoridad iti naaramidna.
Segun ken ni Maggay, nagkita ti suspek ken biktima iti alas-sais trenta ti rabii ket bimmaba da iti creek tapno agpatang ngem nagsinnungbatda a rason iti pammapatay.
Kabayatanna, maiyururay ti resulta iti inspeksyion ti SOCO tapno maamwan nu narames wenno saan ti biktima idinto a ti suspek ket addan iti kustodiya dagiti otoridad kabayatan a maisagsanan ti kaso a murder kontra kenkuana.
