Nainget a kinondenar ni Senador Raffy Tulfo ti pannakapapatay ti overseas Filipino worker (OFW) a ni Dafnie Mates Nacalaban idiay Kuwait.
Segun kenni Tulfo, ti prime suspect ti pannakatay ni Nacalaban a ni Jarrah Jassem Abdulghani ket mapapati a pinapatayna met laeg iti Filipina a nobiana idi napan a bulan.
Dua a bulanen a mapukpukaw ni Nacalaban sakbay a natakuatan dagiti autoridad ti Kuwaiti ti agruprupsa a bangkayna kalpasan ti tip manipud iti kabsat ni Abdulghani.
Saan met nga agsusurot dagiti statement ti suspek gapu iti posible a panagusarna iti droga.
Ti maudi nga employer ni Nacalban a ni Fawaz Satarn Muhawish Alduways ket agdama a maimbestigaran gapu iti mabalin a pannakairamanna.
Kabayatanna, nakipagladingit ni Senador Tulfo iti pamilya ti biktima ken inkarina ti suporta ti gobyerno iti pannakaipaawid ti bangkay ni Nacalaban ken impasiguradona nga adda madusa iti nasao a krimen.
