VIGAN CITY – Naipilan ti kaso a Frustrated Homicide kontra ken ni Louie Fuentes Alvez, agtawen iti uppat a pulo ket innem, negosyante a taga-Brgy. Poblacion Este, Sta. Cruz a nangbagkong ken ni Erwin Serrasa German, agtawen iti duapulo ket innem a taga-Brgy. Villa Garcia, Sta. Cruz.
Iti pannaki-uman ti Bombo Radyo Vigan ken ni PCapt. Gabriel Labador, addada iti barangay hall ta simpaenda koma ti saanda a pagkinnaawatan maipapan ti utang ngem pinagsawsaw-an ti biktima iti dinadakes ti suspek isu nga inruar ti suspek ti kutsilyo nga adda iti bag-na ket binagkongna iti bukot ti biktima.
Malaksid ti lima a ribo a pisos nga utang ti biktima a puon ti nagririanda, mapapati nga agim-imon ti suspek gapu ta nasinged pay la nga aggayyem ti nobyana ken ti biktima nga idi kallabes ket isuda ti agnobio.
Nupay kasta, inamin met ti suspek ti inaramidna nga itan ket nakaibaluden iti Sta. Cruz Police Station tapno dumalan iti husto a proseso ken naala iti nakapasamakn ti krimen ti 12.5 inches a kutsilyo.
