Simmukon ti suspek iti pammagkong idi Enero 29 idiay Brgy. Subadi Sur, Burgos.
Iti pannaki-uman ti Bombo Radyo Vigan ken ni PLt. Donaldson Pagalanan, kinuyog ni Federated Chief tanod Elpidio Tamayo Jr. a simmuko kadagiti pannakabagi ti linteg ni Danilo Domingo Foronda, agtawen iti uppat a pulo ket pito, mannalon nga agnaed iti nasao a lugar kalpasan ti panaglibasna idi nabagkongna ti tallo a lallaki a da Alfredo Decano, agtawen iti tallopulo ket maysa; Albert Decano nga agtawen iti duapulo ket siam; ken ti dead on arrival a ni Alfredo Decano Sr., agtawen iti innem a pulo ket dua nga agpapada nga agnaed iti nasao a lugar.
Segun ken ni Pagalanan, adda ti saan a nagkinnaawatan da Danilo Foronda, Albert ken Alfredo Jr. isu a naganawa ni Alfredo Sr a kayong ti suspek ngem binagkong ni Danilo ti kayongna sana insaruno dagiti agkabsat a gappuanan ti pannakadunorda ket naipanda iti ospital ngem naideklarar a dead on arrival ni Alfredo Decano Sr.
Nupay kasta awan iti insuko ti suspek nga inaramatna nga immuko ta pinasingkedanna a saannan nga ammo iti ayanna.
Ita nga aldaw, maisagana ti kaso a sangwen ti suspek kalpasan ti inaramidna.
