VIGAN CITY – Nagsurrenderen ti lalaki a suspek a nangpapatay iti katugangan ken kayongna idiay Brgy. Catucdaan, Cabugao iti napasamak a pannagbat ken pammagkong idi June 4, 2021.
Iti pannaki-uman ti Bombo Radyo Vigan kenni Pol. Major Franco Catalan, hepe ti Cabugao Municipal Police Station, timmawag ni Michael Gaspar ti kapulisan ket impakammuna nga agsurrender kadakuada ket ita maisagsaganan iti agsusukot a kason kontra kenkuana.
Innayon ni Catalan a kalpasan iti krimen ket nagturong ti suspek iti kabanbantayan iti nasao a barangay ta kabisado na iti dalanna ta maysa isuna a manganop.
Inaklon ti suspek ti krimen ken iti papatayen na kuma ket ti ama ken ina iti asawana ngem nairaman laeng iti kayongna.
Naaramid ni Gaspar ti krimen ta adda iti naibalikas ni Demetrio Sevilleja ken Didi Sevilleja a kayatda a papanawen ti suspek.
