Natiliwen dagiti otoridad ti suspek iti pannakapapatay ti maysa nga agpampanday-linteg idiay Minnesota ken ti gandat a panangpapatay pay iti maysa met laeng nga agpampanday-linteg.
Nakakustodia ita it Minnesota police ti suspek a ni Vance Boelter a nangpapatay ken ni Melissa Hortman a Democratic lawmaker ken ti asawana.
Segun iti law enforcement official, ti suspek nga agtawen iti limapulo ket pito ket nagtrabaho iti maysa a security company kas director ti security patrols ken na-train dagiti kameng ti US military.
Immabot iti nasurok 400 dagiti naawat a pamalpalatpatan dagiti pannakabagi ti linteg nga isu ti nangidalan iti pannakatiliw ti suspek.
Immunan a pinasingkedan ni Minnesota Governor Tim Walz a ‘politically motivated’ ti napasamak a pammaltog kadagiti nasao nga agpampandaylinteg ti nasao nga estado.
