VIGAN CITY – Saanen a napilaan ti kaso ni Michael Habbab, agtawen ti duapulo ket dua nga agnaed iti Brgy III, Vigan City gapu iti panagtakawna ti bisikleta idiay Del Pilar Extension, Brgy. VIII, Vigan City.
Nabigbig ti biktima a ni Daniela Mae Marinas, agtawen ti duapulo, manager iti Jollibee Vigan Branch ken agnaed iti Brgy. Aggay, Bantay nga isu ti nangipakaammo iti Vigan City Police Station a naitaray ti bisikletana nga aggatad ti waloribo a pisos a nakaparking iti laud a paset ti kalsada.
Gapu iti dayta, insigida met a nangisayangkat ti hot pursuit operation dagiti pannakabagi ti linteg ken nabigbigda ti suspek babaen iti CCTV footage ket naala kenkuana ti bisikleta a tinakawna.
Malaksid iti dayta ket natakuatan a datin nga adda pakainaigan ti suspek iti panagtakawan.
