VIGAN CITY- Simmuko ken ni Police Senior Supt. Ceazar Zafiro Tannagan ,provincial director ti Abra Police Provincial Office, ti suspek idiay Barangay Calot, Bangued, Abra a ni Sherwin Bio, a nangpaltog kadagiti biktima nga agassawa a da Pepito Sambo, agtawen ti lima pulo ket walo, mannalon ken Lilia Sambo, agtawen ti lima pulo ket dwa nga agnaed iti nasao a lugar.
Agpakpakan iti manok ni Pepito kabayatan iti birthday party na, pasado alas singko ti malem idi Disyembre trenta, idi pinaltugan ti suspek a mapapati a naglemmeng iti pagtaengan ni Bello Agameng Escobar, ken nakatamaan ti asawa na a ni Lilia a napan idi iti ayan na.
Nairaman pay a nadonor ti rupa ti manugang da a ni Kristine Natividad nga adda idi iti uneg ti kuarto ta natamaan ti napittak a sarming
Naglibas ti suspek ngem simmuko met laeng idinto a naitaray idiay Abra Provincial Hospital dagiti biktima para iti pannakataming da.
Naala iti nakapasamakan ti krimen ti walo a kapsula ti caliber 7.62; maysa a fired catridge case ti caliber 45 mm ken dwa a slug ti caliber 45mm.
