--Ads--
VIGAN CITY – Simmukon kadagiti pannakabagi ti linteg ni Leo Cabradilla, taga-Sitio Cacaldingan, Barangay Lungog Narvacan a suspek iti pammaltog idiay Barangay Paras, Sto. Domingo.
Ti biktima ketni Rizen de Guzman, agtawen iti duapulo ket walo, taga-Barangay Paras, Sto. Domingo.
Maibasar iti pakpakauna nga imbestigasyon, adda ti saan a nagkinnaawatan ti biktima ken ti suspek kabayatan ti panagpimpinnatangda idin ta nangasot ti suspek iti paltog ket pinaltuganna ti akin-kannawan a rupa ti biktima a timmarus iti lapayagna.
Saan pay a nabigbig no ania a klase ti paltog ti inaramat ti suspek.
-- ADVERTISEMENT --
Immuna a naglibas ti suspek kalpasan ti pasamak a daytoy ket nagturong iti kataltalunan.
