--Ads--
Simmukon kadagiti pannakabagi ti linteg ti suspek iti pammaltog a nakatayan ti maysa a security guard idiay Barangay Cadanglaan, Banayoyo, Ilocos Sur.
Ti biktima ket agtawen iti tallopulo ket lima, agnaed iti nasao a barangay.
Dagus a nangisayangkat iti hot pursuit operation dagiti pannakabagi ti linteg kalpasan ti panaglibas ti suspek, ket natuntonda met ti ayanna.
Boluntaryo a simmuko ti suspek iti kabsatna a babai idiay Barangay Poblacion Este.
-- ADVERTISEMENT --
Maipalagip a ti suspek ket saanna a pinastrek ti biktima iti pagtaenganna ngem impapilit latta ti biktima.
Gapu dayta, nairita ti suspek ket pinaltuganna ti biktima babaen iti saan pay a nabigbig a kalibre ti paltog.
Naitaray ti biktima iti ospital ngem saanen a naispal ti biagna.
