--Ads--
VIGAN CITY – Simmukon ti suspek iti pammagkong idiay Banaoang, Santa a ni Richard Pablico, agtawen iti uppat a pulo ket dua kadagiti pannakabagi ti linteg a kinadua ni Brgy. Capt. Edmund Borje, dati nga ABC President David Beado ken ni Venancio Pablico a kabsat ti suspek.
Ti biktima ket ni Joey Buenavista, agtawen iti tallopulo ket siam, construction worker a residente met laeng ti Brgy. Banaoang.
Iti pakauna nga imbestigasyon, nagriri ti suspek ken ti biktima iti malem ti April 2 ket idi kabigatan ti April 3, nakita ti suspek ti biktima iti National Highway ket binagkongna iti akin-kannawan a baba a paset ti barukong ken tyanna.
Nupay kasta, maob-obserbaran ti kasasaad ti biktima iti pagagasan idinto a maim-imbestigaran ti napasamak.
-- ADVERTISEMENT --
