VIGAN CITY – Manarimaan pay laeng iti imbestigasyon dagiti otoridad idiay Sta. Maria nu siasino dagiti suspek a nangbagkong ken ni Flordelito Mendoza Dalit nga agtawen iti lima pulo ket pito, maysa a tricycle driver ken agnaed idiay Barangay Poblacion Sur, Sta, Maria idi alas dyes dyes ti rabii idi June 9.
Segun ken ni Police Lt. Gilbert Tolosa, hepe ti Sta. Maria municipal police station, narabaw laeng dagiti dunor a sinagaba ti biktima isu a natalgeded iti kasasaad na.
Maibasar iti pakpakauna nga imbestigasyon, naamuan a minalem nga uminom ti biktima iti pagtaengan da ket sakbay a napasamak iti pammagkong, napan pay imminom iti tallo a bote ti arak iti sari-sari store nga asideg iti pagtaengan da ket idi napan immisbo iti igid, adda dagiti nakamotorsiklo a nangbugkaw kenkuana.
Ti dayta a kanito, binugkawan met ti biktima dagiti nakamotorsiklo isu a nagsubli da ket bimmaba iti motorsiklo iti maysa kadagiti suspek sa na inwasawa iti kutsilyo nga iggem na a nakadunuran ti biktima.
