--Ads--
VIGAN CITY – Sapsapulen dagiti pannakabagi ti linteg ti maysa a lalaki a nangbagkong iti kalugaranna idiay Tangaoan, Sta. Maria, Ilocos Sur.
Nabigbig ti suspek a ni Jun Andres Almazan, agtawen iti tallopulo ket siam ken ni Eliseo Estabillo Angel, agtawen iti limapulo ket maysa, agpada nga agnaed iti nasao a lugar.
Mapapati a nakainom ti arak ti suspek a napan iti pagtaengan ti biktima a nakipatang idin ta rimsua ti saanda a pagkinnaawatan ket nagdinnanugda.
Nangasot met ti suspek iti kutsilyo nga induyokna iti namindua a daras a nakadunoran ti tyan ken akin-kannigid a sikona.
-- ADVERTISEMENT --
Inanawa ida dagiti kabagyanda ngem naglibas ti suspek idinto a ti biktima ket naipaagas iti ospital.
