Suspek iti mauling incident iti ili ti Caoayan, nakemmeg iti hot pursuit operation

VIGAN CITY – Nakemmeg babaen iti hot pursuit operation ni Leo Frial De Peralta, agtawen iti tallopulo, construction worker gapu ti panangdangranna ken ni Ezekiel Pomida Alconcel, agtawen iti duapulo ket uppat, agpada nga agnaed iti Barangay Pantay Tamurong, Caoayan a nakapasamakan ti insidente.

Sakbay ti pasamak, adda saan a nagkinnaawatan ti biktima ken ti step father na a ni Frederick Frial De Paralta idin ta daytoy suspek ket napan bimmallaet.

Binekkel ti suspek ti biktima sa na dinanog iti naminsan a nakapuntiryaan ti bibigna ken pannaikkat ti akin-sango a ngipenna.

Nupay kasta, ti biktima ken suspek ket naidalan iti kustodia ti Caoayan Police Station para iti naan-anay nga imbestigasyon.