VIGAN CITY – Nakemmeg ni Jason Valdez Barreda a Top 10 Priority Target Regional Level iti salinong iti COPLAN BULLDOZER iti ISPDEU ken PDEA Target List iti naiwayat a Joint Anti-Illegal Drug Operation idiay Barangay VII, Vigan City.
Ni Valdez ket agtawen ti tallopulo ket pito, naasawaan, awanan trabaho nga agnaed idiay Brgy. Pantay Fatima, Vigan City a naglabsing iti RA 9165.
Babaen iti panagtitinnulong dagiti pannakabagi ti linteg ket insayangkatda iti anti-illegal drug operation babaen iti buy bust operation a nagresultaan iti pannakakemmeg ti suspek.
Naala kenkuana iti maysa a pakete iti nangisit a pouch nga aglaon ti maysa a medium size heat sealed transparent plastic sachet a naglaon iti mapapati a shabu a nagserbi a buy bust item, maysa a brown pouch a naglaon ti dua a heat sealed transparent plastic sachet a naglaon iti mapapati a shabu nga ikot ti suspect, uppat a sangaribo a pisos ken pito a boodle money a sangaribo a pisos a nagserbi a buy bust money, maysa a unit iti yamaha motorcycle a nangisit nga awanan iti plate number ken maysa a cellphone.
Ti naala a mapapati a droga ket agdagsen iti dua a gramo nga aggatad iti sangapulo ket talo a ribo a pisos.
