VIGAN CITY – Simmukon kadagiti kameng ti Vigan City ni Edgardo Quidolit nga agnaed idiay Brgy. Salindeg, Vigan City a suspek iti pammaltog idi kalman a nakatayan ti OFW a ni Jenifer Quiton nga agtawen ti uppat a pulo.
Nadakamat ni Police Staff Sgt. Robinson Tabrilla ti Vigan City PNP nga awan iti nakaro a nagriryan ti suspek ken biktima malaksid laeng iti saan da a panagkinnaawatan gapu ti manok ta atapen ti biktima nga innala ti suspek dagiti mapukpukaw a manok na.
Maipalagip nga idi agsugsugal ti biktima ti maysa a natayan idiay Barangay Salindeg, inasitgan ti suspek ket pinaltugan na ti namitlo a daras ti biktima a nakatamaan ti tengnged ken akin-kannigid a paset ti bagi na.
Uray nu naitaray idiay Ilocos Sur Provincial Hospital – Gabriela Silang ti biktima para iti pannakataming na ket saan a naisalbar iti biyag na.
Ti paltog nga inaramat ti suspek ket magnum 22.
