VIGAN CITY – Natakuatan nga adda datin a rekord ken nagsubli ti ilegalna nga aramid ni Roberto Fernandez Ragamat, agtawen iti tallopulo ket uppat, construction worker, taga-Barangay Baggoc, Caoayan ngem agnanaed iti Barangay VI, Vigan City .
Iti pannakiuman ti Bombo Radyo Vigan kenni PLT Col. Rogelio Remiendo Jr ti Vigan City Philippine National Police, nabayagen a mamonmonitor ti suspek a nagresulta iti pannakaala kenkuana ti 1.5 grams ti shabu nga aggatad iti PHP10,200 a naipan iti tallo a piraso ti heat-sealed transparent plastic sachet a nagserbi kas buy bust item ken ikot ti suspek.
Nupay kasta , alallukuyen ni Plt Col Remiendo dagiti nagsubli iti madi nga aramid ken mailabsing iti linteg nga agsurrender tapno maleppas ti panagraira ti ilegal a droga iti siudad.
