VIGAN CITY- Susik iti daga ti maysa kadagiti imimbestigaran dagiti pannakabagi ti linteg a motibo iti pammaltog idiay Barangay Kimmalaba, Dolores, Abra a nakatayan ni Bernardo Casacupla Balneg, agtawen ti uppat a pulo ket walo, naasawaan , mannalon ken residente iti nasao a lugar.
Maibasar iti report ti Dolores municipal police station, mangmangan ti biktima ti pangrabii iti uneg ti pagtaengan da kadwa na ti potot na a ni Johhny Timbreza Balneg, agtawen ti sangapulo ket innem, ken estudyante ti Grade 10 idi nagtataol dagiti aso iti likod ti pagtaengan na isu a napan na kinita ket idi linukatan na ti ruangan, ditan a pinaltugan ti saan a nabigbig a suspek ti muging na.
Maibasar iti inisyal nga imbestigasyon , sakbay ti napasamak ket nakariri ti biktima ti kayong na kadagiti napalabas nga aldaw ken adda ti land dispute iti nagbaabetan iti pamilya ti biktima.
