Inyunay-unay ti Korte Suprema a nasken a nainget a suroten dagiti pannakabagi ti linteg dagiti pagannurotan iti panangiggem kadigiti confiscated firearms kas ebidensia tapno masigurado ti fair convictions.
Iti desision ni Senior Associate Justice Marvic Leonen, inabsuelto ti Korte Suprema en banc ni Benjamin Togado iti maiparit a panagikut iti paltog iti sidong ti Republic Act 10591, wenno Comprehensive Firearms and Ammunition Regulation Act.
Naibasar ti acquittal iti saan nga umno a panangiggem ken panangidatag iti nakumpiskar a paltog kas ebidensia.
Natakuatan ti Korte ti discrepancies iti markings ti container a naaramat a pagkargaan ti firearm, agraman ti pannakadadael ti original container, ti nangpataud iti panagduadua maipapan iti integrity ti ebidensia.
Saan a naberipika dagiti polis no ti paltog a naiparang iti korte ket isu met laeng ti nakumpiskar manipud iti akusado.
Impaganetget ti Korte a dagiti convictions iti sidong ti Republic Act 10591 ket saan a mabalin nga agpannuray laeng kadagiti certificates a mangibagbaga nga awanan ti akusado iti firearm license.
Ti kaawan ti actual firearm ket dadaelenna ti prosecution’s case ken saan nga usto a convictions.
