Napalaus iti panangsuportar ti Spain iti team-da para iti finals iti FIFA World Cup kontra Argentina, mano nga oras sakbay iti laban.
Iti pannaki-uman ti Bombo Radyo Vigan ken ni Bombo International News Correspondent Eva Tinaza, arigna saanen a makauray dagiti fans ta walo nga oras sakbay iti laban ket nakapueston dagiti agtutubo a mapan agbuya kadagiti venue a naisagana para iti pagbuyaan iti laban.
Segun ken ni Tinaza, kaaddoan ket nagbalon payen iti taraon ken sinagaanda iti panagbuyada tapno saandan a pumanawto iti pagpuestoanda apaman a makastrekda iti venue ken mangrugi iti laban.
Impasigurado ni Tinaza a napalaus iti panagsagana dagiti otoridad nangruna iti kapulisan para iti nasao a laban iti Spain ta namnamaenda a maaddaan iti riribok no kas bilang maabak iti team-da.
