Impaganetget ni House Prosecution Panel spokesperson ken Lanao del Sur Rep. Zia Alonto Adiong a saan a rumbeng a makaapektar ti impeachment trial kontra ken ni Vice President Sara Duterte dagiti rally iti plunder case iti plano a maipila ken ni Sen. Rodante Marcoleta.
Segun ken ni Adiong, irespeto ti House Prosecution team ti karbengan dagiti taga-suportar ni Marcoleta a mangisayangkat ti nakappia a rallu ken mangipeksa iti marikrikna.
Ngem impaganetget ni Adiong a saan dayta nga agbalin a rason ken awanen iti sabali a rason tapno saan a matuloy ti trial ni Vice President Sara Duterte a marugian inton July 6.
Inlawlawagna nga aniaman a development maipanggep kadagiti alegasyon ken ni Marcoleta ket awan iti pakainaigan ti impeachment proceedings kontra iti bise presidente.
