VIGAN CITY – Saan a nasayang ti amin a nagbannuganna ti baro a nakoronaan kas Saniata ti Ylocos 2022 a ni Richelle Anne Presto.
Iti pannakiuman ti Bombo Radyo Vigan kenni Presto, nabannog man iti nagbalin a karirikna na kalpasan ti pageant ta mano nga aldaw a preparasyonna iti pasalip ngem amin ket adda iti napintas a kasukat na ta isuna ti kaunaan a saniata a nakai-awid ti Korona para ti Syudad ti Vigan
Para kenni Presto, dakkel a karit kaniana ti pannakisalipna ti pageant gapu ta ado da a kandidata a nagbinnalubal para ti korona ken iti pressure a nariknana ta full support idi ti sibubukel a syudad ti Vigan ken dakkel iti ekspektasyon kenkuana isu a masapol nga ubraenna amin a kabaelanna.
Innayonna nga uray maysa laeng kadagiti korona ti maala na iti laban ngem dakkel a bentahe ti kinamangisursurona nu apay nga ammo na ti insungbat na ken ammona iti mapaspasamak iti aglawlaw.
Inaig dayta, ti inbilang na a narigat a kinalabanna ket ti saniata ti Caoayan ta nasirib ken nalaing iti komunikasyonna iti tattao.
Ti korona a nagun-od ni Presto ket isu iti kaunaan a korona a naiyawidna manipod nakisalip iti uray aniaman a pageant.
