VIGAN CITY – Inpaganetget ti maysa nga sports official a ti aniyaman a klase a suporta iti publiko ken gobiyerno iti kangrunaan a rason nu apay a nagballigi dagiti atleta a Pilipino a nakipaset ti 30th Southeast Asian Games.
Ti pannaki-uman ti Bombo Radyo Vigan, nagyaman ni Association of Boxing Alliances of the Philippines (ABAP) Secretary- General Ed Picson kadagiti amin a simmuporta kadagiti Pinoy boxers ken kadagiti sabali pay nga atleta ditoy pagilian a nakidangadang kadagiti ay-ayam a nakisaliyan da.
Mamati ni Picson a dakkel a banag para kadagiti Pinoy athletes iti nabara a suporta dagiti Pilipino tapnu agballigi ken atiwen da amin a nakalaban da ket maibati da ditoy pagilian ti over-all championship title ti nasao a regional biennial meet.
Malaksid iti dayta, nagyaman pay ni Picson iti pangidaulwan ti Philippine Southeast Asian Games Organizing Committee ken Philippine Sports Commission gapu iti balligi a panaghost iti pagilian ti SEA Games ken kadagiti alikamen kasta payen dagiti world-class venue a naaramat kadagiti naduma—duma nga ay-ayam.
