--Ads--
Naiwarasen ti suplay ti taraon para kadagiti agad-adal iti tallopulo ket lima a Day Care Center iti ili ti Narvacan kas paset iti Supplementary Feeding Program.
Ti suplay ket naggapu iti Department of Social Welfare and Development Regional Field Office 1 babaen iti pannakikammayetda iti lokal a gobierno ti ili ken ti Municipal Social Worker and Development nga idauluan ni Pauline Cabunoc.
Iti pannaki-uman ti Bombo Radyo Vigan ken ni Cabunoc, ti suplay a pakairamanan ti bagas, itlog, nadumaduma a prutas ken nateng ket para iti 120 nga aldaw para kadagiti 620 a Day Care pupils.
Innayon ni Cabunoc a ti programa ket gagemna a liklikan ti malnutrisyon kadagiti ubbing ken siguradoen a maipaay kadakuada ti sustansya babaen kadagiti nasao a taraon.
-- ADVERTISEMENT --
