Nakaisaganan ti gobierno iti taraon ken dadduma pay a napateg a suplay para kadagiti maapektaran iti bagyo Julian.
Segun iti National Disaster Risk Reduction and Management Council, 1.9 million a family food packs nga aggatad iti PHP1.48 billion, dadduma a food items nga aggatad iti PHP276 million, ken non-food items nga aggatad iti PHP919 million ti naisaganan babaen iti Department of Social Welfare and Development.
PHP171 million met ti standby fund nga available nga aramaten ti DSWD, pakairamanan ti PHP123 million a mabalin a mailatang iti Quick Response Fund iti central office ti DSWD.
Idiay Batanes, nabilinen ti provincial disaster risk reduction and management office dagiti agindeg nga igalut dagiti isimda gapu iti manamnama a panaglandfall na iti nasao a probinsia.
