VIGAN CITY – Umanay pay laeng iti suplay ti taraon, danum ken medical supply dagiti umili idiay Israel ti baet ti riri a mapapasamak a riri ti Hamas ken Israel.
Iti pannaki-uman ti Bombo Radyo Vigan ken ni Bombo International News Correspondent Leonora Quinday nga adda idiay Jerusalem, Israel, awan ti parikotda kadagiti suplay ta adda latta agsangpet manipod kadagiti sabali a lugar nga aramaten dagiti umili.
Segun ken ni Quinday, nu idiay Jerusalem ket saan nga agkurang iti medical supplies ngem kadagiti dadduma a lugar ket adda dagiti parikot iti ospital.
Nupay kasta ket sisasagana latta ti Israel iti aniaman a papasamak ta patien ti Israel Defense Forces a kumapkapsoten iti Hamas gapu iti in-inut a pannakatay dagiti dadduma a kamengda.
Kanayon nga isaysayangkat ti rally dagiti umili inaig ti panag-release kadagiti hostage a saan pay a nawaya-wayaan ta umabot pay iti 133 iti iggem pay laeng iti Hamas manipod October 7, 2023 a panagatakeda.
VIDEO – BINC LEONORA QUINDAY
