--Ads--
Sinigurado ti Malakanyang nga umdas ti suplay ti agas para iti leptospirosis ken dadduma pay a sakit a mabalin nga ipaay ti agtultuloy a panaglayos ken panagtudo.
Segun ken ni Palace Press Officer Usec. Claire Castro, nakaawat ti Malakanyang ti impormasyon manipod iti Department of Health (DOH) nga umdas ti suplay dagiti kasapulan nga agas, akairamanan ti doxycycline para iti leptospirosis.
Inallukoy met ti Malakanyang dagiti ospital ken health facilities nga insigida nga ipakaammo iti PCO wenno DOH no mapasaran iti pagkurangan iti agas iti lugarda tapno nadaras a masupusupan.
Kagiddan dayta ket nabalakadan dagiti dumaldalan iti layos nga insigida nga agpakonsulta ti kaasitgan a health center kangrunaan no adda sintomas iti leptospirosis.
-- ADVERTISEMENT --
