--Ads--
VIGAN CITY – Nangipaay ti City Government of Vigan babaen ti City Market Office ken City General Services Office ti suplay ti taraon kadagiti naapektaran a pamilia iti lockdown ti siudad a Vigan.
Dagiti naited ket nateng, itlog, dressed chicken ken condiments kadagiti naapektaran a pamilia iti critical zone kadagiti nadumaduma a barangay ti siudad tapno saanda a marigatan bayat ti pannakai-lockdown da gapu ti Covid19.
Makanay iti makalawas dagiti naited nga ayuda kadakuada tapno masigurado a makakaan met laeng iti nasaluin-at dagiti nasao a pamilia bayat ti lockdown.
Kabayatanna, nangipaay ti City Social Welfare and Development Office iti duapulo ket lima a kilo ti bagas, delata ken hygiene kits kas pakauna a tulong.
-- ADVERTISEMENT --
