Pinunas ni Senador Sherwin Gatchalian ti danag iti publiko a maibus iti suplay ti langis ken taraon iti pagilian gapu iti kumarkaru a tensyon idiay Middle East.
Napansin ti senador nga adu a motorista ti nagpakarga ti ti petroleum products gapu iti amakda a ngimina pay lalo iti fuel prices ken maibus iti suplay.
Impaganetget ni Gatchalian nga awan ti parikot iti suplay iti taraon, krudo ken basic commodities isu a saan a rumbeng nga agpanic buying iti publiko.
Segun ken ni Gatchalian, agingga idi Biernes ket umanay ti suplay ti langis iti pagilian nga agpaut iti limapulo ket maysa nga aldaw.
Para ti senador, ti panic buying a mapaspasamak ita kadagiti tattao ket saan a gapu ta maibusan ti suplay no diketdi tapno makagatang iti nalaklaka nga items.
Aminado ti agpampanday linteg a sigurado a matamaan iti epekto ti panagpangato ti fuel prices ti logistics kas ti panangipatulod iti taraon manipod iti probinsia agturong iti siudad ken inflation wenno napaspas iti panagpangina iti presyo dagiti magatang ken serbisyo.
