VIGAN CITY – Awan iti parikut iti supply iti karne ti baboy ditoy probinsya kas inpakammo ni Ilocos Sur Hog raisers Association president Edgar Tejada iti naangay a taripnong dagiti agtartaraken iti baboy.
Segun kenni Tejada, pito pulo agingga siyam a pulo iti kilo iti baboy nga standard a prime meat ti National Meat Inspection Service (NMIS) sa mai-bracket ket nu walo iti kilo ti baboy, nalaklaka iti presyo na.
Nadakamat na nga immadu iti suplay iti karne iti baboy ditoy probinsiya manipud idi naiparit iti panangiserrek kadagiti karne iti baboy a naggapu iti sabali a probinsiya, nangruna kadagiti naapektaran ti African Swine Fever ken kasta payen dagiti frozen a karne ti baboy.
Ti agdama agtaltalinaed a sangagasut sangapulo ket lima a pisos iti presyo iti live weight ditoy probinsya.
