Maisayangkat inton September 15 ti summary hearing mainaig iti naipila a petision para iti writ of amparo ti kampo ni dati a Bulacan 1st District Assistant Engineer Brice Hernandez.
Dayta ket kalpasan a nagipasa iti sungbat ti Senado iti Pasay RTC branch 112 sakbay ti naituding a 72 hours para iti kiddaw ni Hernandez.
Iti nairuar a pammilin ni Geoffrey Llarena ti Pasay RTC, kiniddawda iti Senado a maikkan iti detalyado a sungbat ken ilawlawag a saan a nalabsing dagiti karbengan ni Hernandez.
Maipalagip a nangipila idi Huebes iti protective order iti Pasay RTC ti kampo ni Hernandez nga ita ket naibalud iti Pasay City Jail kalpasan a makaawat iti pangta sipud innagananna dagiti opisial ti gobierno a karaman iti anomalya ti flood control project.
