Pressure para ti maysa a topnotcher iti 2024 Licensure Examination for Certified Public Accountants iti panagturposna kas Summa Cum Laude iti panangipasana iti exam.
Iti pannaki-uman ti Bombo Radyo Vigan ken ni Cassandra Marie Rico Entico, nagadal idiay University of the Philippines – Diliman a Top 5 iti 2024 Licensure Examination for Certified Public Accountants, aminado a gagemna a karaman kadagiti ag-topnotcher ngem apaman a nalpas iti eksaminasyon ket ti laengen ingkararagna ket ti makapasa gapu iti kinarigat ti exam.
Segun ken ni Entico, uray kasano pay ti kinasagana ti maysa a tao para iti exam ket saan a maliklikan iti agdanag ngem nagtalek iti kabaelanna.
Kinunana nga apaman a nairuar iti resulta ti exam ket saannan a tinalyaw pay ti topnotchers nu diketdi nakapokus laengen kadagiti nakapasa ngem adu dagiti nagkablaaw kenkuana a nangibaga a karaman kadagiti top notcher.
Dakkel a tulong kenkuana iti panangammona ti review style-na; panangsimpa, panagsaga ken panangipangruna iti oras tapno maipaayan ti oras iti panag-review; ken maaddaan ti inana ken husto a turog tapno naannayas iti pannagfunction iti utek.
VIDEO – CASSANDRA MARIE RICO ENTICO 1
Nagyaman ni Entico iti Namarsua, kadagiti nagannak, pamilia ken gagayyemna iti suportarda para iti panagadalna ken panangtulongda kenkuana para iti panangun-od iti kayatna iti biag.
VIDEO – CASSANDRA MARIE RICO ENTICO 2
