--Ads--
Pinasingkedan ti Malakanyang a nasurok sangaribo a reports ti naawaten ti sumbongsapangulo.ph website sipud inrusat ni Presidente Ferdinand Marcos Jr idi Lunes.
Segun ken ni Palace Press Officer Atty. Claire Castro, agingga idi Agosto 11 agingga 13, 2025, addan 84,892 a total views, 1,148 reports nga adda 823 a feedbacks ti nasao a website.
Nadisenyo ti website tapno ipaayan iti access ti publiko iti impormasyon mainaig kadagiti flood control project iti intero a pagilian ken makaireport iti ania man nga iregularida kadagiti proyekto.
Inallukoy met ti Malakanyang ti publiko a saan nga agireport iti saan a husto nga impormasyon iti website ta manarimaanen ti imbestigasyon kadagiti naanomalya a flood control program.
-- ADVERTISEMENT --
