--Ads--
Impaganetget ni Palace Press Officer Atty. Claire Castro a rumbeng a natured, nasirib ken patas iti sumaruno nga Ombudsman.
Dayta ket kasangwanan ti nakaituding a panagretiro ni Ombudsman Samuel Martires inton July 27.
Segun ken ni Castro, awan pay laeng iti napili ni President Ferdinand Marcos Jr. a sumukat iti pwesto ni Ombudsman Martires ta ur-urayenda ti shortlist nga ited ti Judicial and Bar Council.
Sangapulo ket pito iti nag-apply para iti nasao a posisyon pakairamanan ni Justice Secretary Jesus Crispin Remulla.
-- ADVERTISEMENT --
Kinuna met ti JBC a nakaituding ti public panel interviews kadagiti aplikante inton July 30 ken 31, ken August 1 ken 4 iti agdama a tawen.
