Sinuspenso dagiti sumagmamano a lokal a gobierno ti klase ita nga aldaw gapu ti agtultuloy a panagtudo gapu ti shear line, segun ti state weather bureau.
Apektaran ti shear line ti sumagmamano a paset ti Bicol Region ken Visayas isu a makarikna ti nakuyem a tangatang a mabuyogan ti tudo ken garruod.
Ti parte ti Eastern Visayas ket suspendido ti klase iti amin a level ti pampubliko ken pribado a pagadalan iti paset ti Tacloban City, Tanauan, Leyte, Babatngon, Leyte ken Northern Samar, kabayatan a ti a paset ti Northern Samar ket amin a level ti pampubliko a pagadalan laeng ti nasuspenso.
Iti met paset ti Bicol Region, partikular idiay Caramoan, Camarines Sur ket suspendido ti klase iti amin a level ti pampubliko ken pribado a pagadalan.
Naballaagan dagiti nagannak, estudyante, ken mangisursuro ti agtultuloy a panang-monitor ti official announcement manipud kadagiti lokal a gobierno ken pagadalan para iti nayon nga updates.
