Suportado dagiti sumagmamano a senador a masuspenso ti excise tax ti langis gapu iti posible a panagngato ti presio gapu iti tension idiay Middle East.
Maipagarup a palubosan ni Senate President Vicente “Tito” Sotto III a temporario a masuspenso ti excise tax iti produkto petrolyo no kasapulan, ngem nasaysayaat a pagpapatangan pay nga umuna dagiti agpampanday linteg tapno maliklikan ti posible nga epekto na iti kita ti gobierno.
Segun ti pannakaammo ni Sotto, adda pay mapatta-patta a 2 agingga 3 a bulan a naka-reserba a langis ti pagilian isu a saan a nasken a madanagan dagiti Pilipino gapu ta baka saan nga agpaot ti giyera idiay Middle East.
Kabayatanna, suportado ni Senador Christopher Lawrence “Bong” Go iti aniaman nga addang ti gobierno a makatulong kadagiti Pilipino isu nga umanamong isuna ti temporario a pannaka suspenso ti excise tax iti langis no kasapulan.
Inladawan ni Go a “domino effect” no kas bilang agpangato ti presio ti petrolyo, isu nga impaganetget na a no mapasamak daytoy ket ngumato amin ti presio dagiti magatang.
