--Ads--
Kinumpirmaran ti Philippine Embassy idiay Russia a sumagmamano itan a Pilipino ti nastranded kalpasan a nabiktimada iti illegal recruiter.
Segun iti embahada, dagiti na-stranded a Pilipino ket narecruit idiay Hong Kong ken pinagbiaheda ida idiay Russia, ngem idi simmangpetda iti nadakamat a pagilian, naduktalanda nga awan ti trabaho nga agur-uray kadakuada.
Pinasingkedan pay ti Philippine Embassy nga agtultuloy ti panagawatda iti agsasaruno a reklamo kontra iti illegal recruiter a pagaammo laeng iti “Helen.”
Impasigurado ti embahada nga ububraenda iti amin a wagas tapno maisubli dagiti biktima ditoy Pilipinas.
-- ADVERTISEMENT --
