VIGAN CITY – Masapul a baliwan ti Department of Education dagiti sumagmamano a polisiya wennu pagannurutan a maipatpatungpal inaig iti sistema ti edukasyon ditoy pagilian kasaruno iti nagwaras a damag a pito pulo ribo a Bicolano nga estudyante iti saan a makabasa.
Ti pannki-uman ti Bombo Radyo Vigan ken ni ACT Teachers Partylist Rep. France Castro, ninamnama dan iti reaksyon ni Education Secretary Leonor Briones inaig iti nasao a banag ngem inbalakad na a masapul nga aklunen dagiti kameng ti DepEd nu anya dagiti pagkapuyan iti curriculum wennu sistema iti edukasyon a maipatpatungpal.
Kabayatanna, insingasing ni Castro a masapul a mavalidate iti rimuwar a resulta ta ti Philippine Informal Reading Inventory (PHIL- IRI) nga isu iti ar-aramaten dagiti mangisursuro ket naduma-duma iti lebel na a pangbigbigan nu kasanu kalaing nga agbasa ti maysa nga estudyante ken nu anya dagiti pagkapuyanda.
Insingasing na pay a ma-adal ti K-12 curriculum tapno matakuatan no epektibo wenno saan ken agkonsultada kadagiti grassroot area tapno saan laeng a dagiti eksperto ti kanayona pagdamagan ti DepEd.
