--Ads--
VIGAN CITY – Saanen a maiyuged iti muging dagiti mapan makimisa idiay Vigan Metropolitan Cathedral ti nangisit a dapo a kas kadagiti napalabas a Miyerkules Kurkuros a kas pinasingkedan ni Msgr. Gary Formoso.
Dayta ket kas maibasar iti bilin ti Catholic Bishops’ Conference of the Philippines tapnu maliklikan iti panagwaras ti coronavirus disease 2019.
Imbes a maiyuged iti muging dagiti mapan makimisa wennu mapan agpakuros, maibarasabis to laengen kadagiti ulo da iti dapo.
Malaksid iti dayta, maiparit pay laeng iti agiinniggem ti ima nu agkanta ti Amami, panagmano kadagiti padi, panagbeso –beso ken panagagep kadagiti rebulto.
-- ADVERTISEMENT --
