Nakapadasen ti agduduma a marikrikna dagiti naibakwit a residente idiay Tabaco City, Albay gapu ti agtultuloy a panagtudo ken nalamiis a temperatura.
Segun ken ni Tabaco City Health Officer Dr. Leizel Cuales Duncan, awan pay met ti pakadanagan ti publiko gapu ta nasayaat met a kitkitaen ti gobierno ti sitwasion.
Basar iti report, manipud ti 1,786 evacuees iti siudad ken duapulo ket lima ti nagpakonsulta iti ospital.
Kadawyan a sakit a namonitor ket hypertension, panaguyek, ken panateng isu nga imbilin ti mayor ti lugar ti panagsagana para iti flu vaccine kas nayon a proteksion iti salun-at.
Nagpakdaar met ni Dr. Duncan nga agusar ti facemask gapu ta posible a kumaro ti asthma kangrunaan no adda ti ashfall ken dadduma pay nga aktibidad ti bulkang Mayon.
