--Ads--
VIGAN CITY – Tallo a dragon serenity fountain, sangapulo ket pito a jumbo gold ken sangapulo a maribel Sta. Ana fireworks iti innala dagiti pannakabagi ti linteg ta maiparit a mailako iti publiko.
Dayta ket kalpasan iti pananginspeksyon ni Deputy Regional Director for Administration Police Brigadier General Ferdinand Garay kadagiti paglakoan ti fireworks ken palpalibang idiay Barangay VIII, Vigan City.
Binayabayan ni Police Lt. Col. Maximo Taclas manipud ti Ilocos Sur Police provincial Office ken dagiti kameng ti Vigan City police station ni Garay iti panaginspeksyon na.
Ti nasao nga addang ket paset iti kampanya dagiti kapulisan inaig iti natalinaay ken natalged a panangsarabo ti Baro a Tawen.
-- ADVERTISEMENT --
