Pinirmaan ni President Ferdinand Marcos Jr. ti uppat a baro a linteg a mangdeklarar ti special working holiday iti agduduma a lugar iti pagilian.
Iti salinong ti Republic Act 12217, naideklarar nga special working holiday iti aldaw a September 14 kada tawen iti ili ti Sta. Cruz, Occidental Mindoro para ti piesta ti Holy Cross.
Iti bileg ti Republic Act No. 12218, naideklarar nga special working holiday iti January 6 kada tawen idiay Quezon City kas pananglagip ti anibersaryo ti pannakaiyanak ti “Ina ng Katipunan” a ni Melchora Aquino.
Naideklarar pay nga special working holiday ti October 27 kada tawen iti probinsia iti Sarangani.
Maibasar iti Republic Act No. 12219 mabigbig iti kontribusyon dagiti katutubo idiay Sarangani iti nabaknang ken nalawa a kultura iti pagilian.
Special working holiday met inton July 8 kada tawen iti siudad ti Isabela, Basilan kas maibasar iti Republic Act No. 12220 kas panangrambak ti piesta ti St. Elizabeth of Portugal wenno Fiesta Alegria de Isabela.
